我曾經申請過社會福利署, 人民入境事務署, 警務署既工, 份份都係 we regret to inform you..  有阿q精神既我跟本不當一回事, 上星期收到消防處既信, 諗住"又一封 we regret.." 既心態一開.咦....筆試喎, 估唔到. 其實呢份工係我3月時申請, 個陣諗住唔撈咪申請下囉, 依家都6月. 政府工就係咁下下要等你幾個月. 呢份係消防隊目(控制)- 能力傾向測試. 下個禮拜要考1)數學推理 2)視覺及空間推理 3)中英閱讀理解.  大約個半鐘. 考到先會面試. 入camp..3年試用期.

我好奈無考過試, 記得讀書過陣, 臨入禮堂都仲要望緊本書. 但 今次唔同, 上述個3項, 無得溫架. 純粹係睇個人醒唔醒. 而一向"無帶腦出街"或者係"放咗個腦係麻雀枱" 既我又點會識呢.

 有9成9機會肥佬既我都一定會去考, 我認為係一種光榮, 好難得有機會去考"我最喜愛的政府工". 好似上年都有80,00人去考呢20個位. 考到個d一定係叻到不得了. 我覺得我老公做一個消防員都唔簡單, 問乜都識乜. 時事, 政治, 地理, 國際, 交通. 救護........ 而我, 我最叻係......諗唔到. 哈哈

下星期等我講比大家知考乜啦.

我好奈無寫野啦, 今日心血來潮講下近況.

我5月6日補擺酒, 之前梗係忙啦. 當日個流程都好順利, 我以為正日前一晚一定會訓唔着, 但出乎意料, 訓得好甜. 可能係當晚我用咗2個鐘用notebook打爆咗紅白機既夢工場, 打足7版先打大佬. 爆機個個滿足感好大, 見到孖寶兄弟救番公主. 覺得自已好厲害. 好偉大.

5月7日, 我終於得閒去睇醫生. 因為忙咗兩個禮拜. 其實我一直都病到死死下, 係意志頂住. 醫生話我扁桃線發炎又疲勞過度. 食咗藥訓咗十幾個鐘後, 好好多啦.

5月8日搬新屋. 將屯門屋企d野搬去粉嶺, 搬搬抬抬, 又得番半條人命, 5月9日將九龍灣屋企d野搬埋, 5月10正正式式入住啦. 跟住就日日抺屋, 執屋.

5月11日 好攰麻, 上咗大陸按摩. 食下飯, 抖抖先

5月14日新工番尖沙咀, 朝早搭火車計埋行路, 要成一個鐘零十五分, oh my god. 同老閭講, 佢好好咁可憐我, 每日比我放早半個鐘. 好野!!!! 正 ! 簡直係恩典

5月19日, 老閭由上海飛番香港轉機番法國, 我要入機場搵搵佢, 其實我要去睇sammi架, 去到機場8點, 點知班機delay, 我要9點先可以走, 即刻飛的去紅館, 9:45到好彩個晚第二場做到11點半到, 撈埋d汁.

5月20日, 24 & 26 都有朋友黎新居食飯, 好熱鬧, 我鐘意.

6月3日 去咗個小朋友既生日會. 有成30幾人, 我玩得好開心.

6月6日 去醫院探弟婦, 佢生咗個bb女, 好得意呀. 白白淨,塊面紅卜卜, 好想咬一啖.