距離離職既日子唔夠30日, 計劃做到7月31號. 記得初初由舊上司介紹呢一份工作, 單單面試都要3次. 第三次面試要講英文真係流哂汗. 即刻啞哂.

因為公司係新成立, 我未開始番呢份工就要幫手處理新公司文件. 所有野都係由零開始. 我厭倦大公司既制度,人事, 明爭暗鬥同金枝慾x無分別, 好怕d人既面孔, 表面係天使, 內心好陰濕. 唔係話我唔識奸, 我毒起上黎可以去到好蠱, 但係如果番工番成咁, 不如搵過份.

呢幾日件咗好多人代替我既位, 有男有女, 有後生, 有中年. 黎親既都合乎我地既入職要求, 但可以見到年紀越大既人, 自信心就越少, 反而工作經驗一般既年青人, 就自信心爆棚. 講真, 我係僱主都想請個後生既, 貪佢年青力壯去賣力,  人到中年, 有家室有兒女, 老閭又唔鍾意妳 OT Say no. 又驚妳攞產假, 唉... 悲哀既打工仔. 我尋晚同菲律賓既朋友傾咗好奈計, 佢問我點解OT 老閭唔會計番人工, 點解香港人唔合力去告d僱主, . 點解, 因為要保飯碗囉, 我都想問點解有d公司番朝9 晚 OT 到11點, 第二朝重要唔可以遲到, 又要攞野番屋企做.