08年 7月16日 (星期三) 我同老公有個難忘經歷.

話說我老公同事想向拍拖多年既女友求婚, 精心策劃係AVIS 尖東遠東租車公司租架 MINI COOPER 開篷, 由我老公幫忙1:30前去攞車, 再落旺角攞99枝玫瑰, 5:00前去到海洋公園交低架車比同事, 目的係要比女友一個 SUPRISE  (驚喜)!!

殊不知, 係我倆公婆好有SUPRISE. 1:15到達AVIS, 簽文件準備取車, 要CREDIT CARD 簽定1萬5千押金 + $2000 2天租車費用.  由SALES係７樓停車場楂落地下比我地驗車，　點知黎咗架好肉酸既橙色車MINI. 殘殘舊舊, 個篷同後座又有燒煙印, 車全身都有花痕, 軚令都有.已經問個SALES 有無第二架, 好殘喎. SALES話無，公司租得出去都預咗有花痕. 咁唔緊要因為有張租車紙可以劃圖, 圈哂所有有問題既部位, 免得還車有爭執, 我同老公兩對眼都睇得好仔細. 

OK 攪掂完, 就開咗個篷由迴旋處出發向海皮方向, 開車一轉左過咗燈位, 我坐前面就聽到細細聲, 同老公講有BOB BOB BOB BOB......聲, 老公要搵地方停車望望, U咗入去大富豪夜總會門口. 發現前左轆漏氣. 我地即刻打番比 AVIS. 個SALES一聽就同我老公講，你接咗架車就係你負責. 0華. 好不負責任既服務態度，去死啦, 我地開左１分鐘唔夠已經發現有問題同佢講就咁答我. 我地要求AVIS派員工出黎, 因為我地都唔敢再楂架漏氣車. 佢同事出黎望咗一陣, 老公問有無士啤軚換, 個同事答無, 我地話唔敢楂佢叫楂番去, 個同事叫我地行路番AVIS 由佢楂番去.

我地一坐低, 頭先聽電話個SALES就話 "梗係踩釘爆軚啦, 唔出奇呀" 我同佢講D釘你放架,咁肯定踩釘. 同一時間佢地另一個SALES 入黎話有另一架MINI 又係爆軚叫其它同事上去7樓, 我地嘈咗一陣佢話要搵經理(亞叔)處理, 個亞叔黎到就話轉架 CIVIL 比我地用, 大佬我兩千蚊你比架CIVIL 我. 又嘈完之後佢地終於肯搵同事係7樓楂架同色既開篷MINI落黎叫我地出去驗車, 呢架係好好多, 好少花痕無咁殘舊, 應該一早比呢架客人用. 入戲肉啦, 突然有另外一個SALES 出黎話, 頭先架車有新花痕唔租得另一架, 你地要入番去寫字樓傾賠償.

佢一咁講, 我同老公FEEL 到呢間野想屈水, 我地要報警. 老公話入去睇咩事先.  個經理(亞叔)入房同另一個高級D既亞姑匯報, "呢兩個客租車一出去就整爆左條軚". 我即刻喝住個亞叔, "小心用字眼, 我地無整爆, 係你地比架爆呔車我用, 我都未話你咁危險" 亞叔繼續講, 留上同事發現有新刮花車痕. 應該係頭先剷左上"駁"造成. 嘩! 出招啦, 老屈完踩釘再加剷上駁, 真係大導演, 六月飛霜. 個一分鐘路程, 你出去搵條駁比我, 亞姑要求我地上去7樓停車場睇新刮花車痕. 我同佢講, 上去跟本無意思, 你同事已經講話新刮花, 跟本想入我地數, 上到去你地都係想屈到我地認啫, 我地要報警. 亞姑話因為交車同事唔係大富豪接車個同事係有兩位, 大家要一齊睇下個痕係咪之前已經有. 我又再講, 咪駛旨意屈我. 刮花亦係有可能你同事係大富豪接番架漏氣時, 刮花咗依家屈落我地度.

亞姑極力要求上7樓, 又話未必係我地刮花. 咁味上去睇下佢吹乜. 哈. 上到去. 前左軚條link 刮花哂, 我地收車前未有, 去到大富豪落車望都未有, 仲要有生锈油漬. 佢地5條友你一言我一語, 編埋個故事比我同老公, "一出車剷咗上駁所以穿咗條軚" 又以專家角度用刑事偵緝同法証先峰口吻, 話係新刮花既. 又高度讚掦mini cooper 車採用防爆軚, 按漏氣既速度, 係我地造成, 唔係交車時已經有.  佢地個個同事楂咗都好有經驗, 唔會發生刮花車呢D事.

好呀, 好呀, 入哂我地數, 真係以顧客(賠償)為先  句句都係保障自已公司, 佢地話要拆咗條軚比公司customer service (類似呢個部門) 去處理索償, 睇下係因為踩釘引致刮花, 定一話刮花引致爆軚. 白痴仔佢無發現跟本係同一樣野, 都係屈緊我地用咩方法整爛個軚. 我問點解唔係一間第三者公司去檢驗, 係由佢地自已公司驗番呢? 佢先話, 我地會攞去驗車公司.

我同老公認為唔識處理, 亦無謂再嘈, 我地報警求助. , 亞姑話兩個同事都好多野做要番落去寫字樓. 我話我報咗警, 呢兩位係負責發車同收車都要落口供. 咁個亞姑同亞叔就即刻話有野做要走先(幾精)

亞 SIR 黎到, 我地一五一十講哂成件事出黎, 個大富豪收車同事突然打溫情牌話 "我見佢係大肚婆, 所以做好心免得佢曬, 先叫佢番寫字樓, 依家佢話我楂番黎個車刮花部車, 我都唔知發生咩事." 0華 ! AVIS 真係受過專業培訓, 員工落口供技巧確係有一手. 第一, 我完全唔覺得佢地有體諒我係大肚婆, 無謂推落大肚關係呀,  第二反咬我地屈佢個員工刮花車, 明明係佢地公司屈緊我地.

亞SIR 講都好中肯, 員工梗係幫番公司, 客人應該收車時小心D. 如果 AVIS 要我地賠償, 我同可以攞番住將收車紙,(因為前軚都一早圈哂係有花痕) 點解AVIS 可以咁肯定新舊花痕之分? 可以入小額錢債告番佢.

跟住我地落番去OFFICE, 因為老公同事堅持繼續租用另一架MINI COOPER, 其實我已經極力反對, 我同AVIS 嘈到火紅火綠仲叫我落去講" 唔該, 我想租另一架MINI" 大佬, 佢地已經老屈咁有一手. 又租第二架 ???? 亞SIR 都問我, 妳地仲租佢地D車即係都認為呢間公司唔係呃人啦. 我真係十萬個不願意, 係我老公先咁好人仲幫個同事求婚用. 

落到寫字樓要攞番D証明文件, 亞姑出黎"橋"埋雙手問我, "依家點呀" 大佬妳short 架, 我又唔係妳下屬, 我要向妳回報亞sir 講乜. 妳問番妳d同事好過啦. 我話"咩點呀" 佢跟住講, 依家我地會攞個軚去驗,睇下係咪踩釘整穿. 我問"咁, 刮花呢, 妳口口聲聲話可以check 到新舊花痕" 亞姑轉軚, 其實我地問過換條軚軨都係3千蚊到, 不過呢d刮痕可以磨番, 應該幾百蚊攪掂.

去死啦, 之前要我地賠成條軚, 依家見我地報警, 聽到我地又話去銷毀會投訴要check下佢地過往有無比人投訴過. 即刻轉為淨係check 條軚有無踩釘. 手段悲卑, 咁大間國際公司做埋d野咁下賤. 生意手法好有問題.  佢要我地賠, 我一定同佢玩到底. 就算幾百蚊我捐去慈善, 都無可能益AVIS呢D咁拉圾公司, 要客人幫手出錢比佢翻新D車, 食屎啦!

大家咪以為我同老公好嬲, 其實事後我地係咁笑, 因為諗係咪因為我地個樣"霖" 所以老屈我地, 一話我地個額頭有寫住"蠢"同"笨"呢兩個字. 我地都未試過比人屈, 真係好難忘.

今日晏晝落咗留下尖沙咀間 HMV行個圈, 發現多咗幾個有電腦 TOUCH 芒既位, 咁我梗係坐底試試啦. 旁邊有一個HEADPHONE 可以試聽. 原來係買歌設備, 客人可以從畫面選擇唔同碟既歌曲, 有中有西有熱播...... $8蚊雞一首. 選飽啦, 可以按付款咁就可以係收銀處有隻燒好既碟等緊走.每隻碟最低消息就$40 (即係起碼5首歌)

我認為幾好呀. 因為有好多歌唔一定係網上搵到. 但始終係 HMV 既新嘗試, 歌曲有限. 有待進步.   

近日從書上看到 "日常生活中吸金12法" 的秘笈, 想同大家分享一下. 要知道運氣並唔係好命人獨享, 記得人頭馬嗲利廣告" 好運自然來" 咁點樣可以吸引好運埋身? 不如一齊搵搵你衰邊犯啦 ! 

吸金12法 Rule No. 1 : 永遠掛上親切的笑容

滿懷心事, 愁眉不展的人, 通常難得喜神眷顧, 如果皺眉之餘, 還加上長旴短嘆, 這個人恐怕一生得與不幸結為兄弟. 無論如何, 表情不外乎習慣, 由今天起, 經常對鏡子裏的自已微笑, 還有, 隨身攜帶一本笑話, 有空時翻閱, 遠離文藝性悲劇. 包括小說及電影. 緊記: 錢 + 微笑息息相關, 是孖生兄弟.

Rule No. 2 :  每天閱讀1則發遠故事

每個人都經歷到勵志的階段, 也是說, 每個人都看過億萬富豪列傳, 但有些人養成經常的習慣, 有些人三分鐘熱度, 後者只不過曇花一現的激情, 難以產生聚焦作用. 每天撥出固定時間, 閱讀勵志的書藉, 堅持地相信, 它和吃飯一樣重要.

Rule No. 3 切勿將獎品隨手丟掉

好運如滾雪球, 愈滾愈大, 第1個好運出現,可能是無關痛癢的獎品, 但你不可掉以輕心, 我常看到有些朋友, 在宴會中得獎, 一看是三流獎品, 嗤之以鼻, 轉手送與他人, 他不是送出獎品, 是送出好運.

就算沒有用的獎品, 也要心存感激, 珍惜收下, 過一段時間, 才可送與他人, 珍惜每一個上天賜給你的好運.

Rule No.4 : 不可養成賭博的習慣

橫財亦是偏財, 偏財相等大眾之財, 註定財來財去, 難以久享, 這是命運, 也是宇宙法則. 當一個從不賭博的人沾上賭博的習慣, 已代表他與惡運連繫, 是壞的開始. 大多數人由贏錢而墮入輸錢的深淵, 固然是運氣, 更大原因與自律有關. 懂得自律, 你起碼賺了"不輸"這桶金, 站在社會大多數人之上.

Rule No. 5 切勿憎人富貴

既然你喜歡錢, 自當喜歡有錢的人, 正如你喜歡吃東西, 自然喜歡美酒佳餚, 但普偏人由自卑, 嫉妬等心理, 發展出對有錢人愛恨交集的心態. 提起來, 咬牙切齒極度怨憤. 這些失常的心態遠離客觀標準, 自絶於好運, 戒之為妙. 當你懷抱有錢人都不是好東西的心態時, 你已選擇另一個人生方向. 永遠不做有錢人.

Rule No. 6 戒悲劇的口味

大多數人不自覺有悲劇口味, 例如: 嫁不去的看獨身女人手記, 窮極無聊, 看餓快活的雜文, 不快樂時, 看末日浩劫 等災難性電影, 又或傾向於與潦倒同志呻氣, 醉卧街頭. 當悲劇口味成為嗜好, 生活主流, 你真真正正成為悲劇之一.

Rule No. 7 和有錢人交朋友.

你始終要交朋友, 為什麼不和有錢人交朋友? 基於物以類聚的法則, 和有錢人交朋友是改財運的捷徑. 你要學習以下幾交友要訣.

1) 不提金錢, 有錢人通常對錢異常敏感, 一定不可觸及禁忌.

2) 不等相交, 因為無求, 你遂可平等地交往, 建立長久的關係.

3) 慎言慎行, 不可賣弄關係, 四下炫耀, 有錢人最痛恨是非流.

簡單點, 和有錢人交朋友, 代表你克服矛盾的心理, 不再壓抑對財富的喜好, 喜歡錢, 當然喜歡有錢的人.

Rule No. 8 養成佈施的習慣

每一個月, 抽出部份收入, 回饋社會, 數量多少不重要, 重要的是心意, 只要真心真意, 小小的數目已可產生巨大的回報善果.

佈施是生活一部份, 終身的目標, 切勿視為許願的臨時交易. 善待同類相等善待自己, 以佈施催財, 並不罪過.

rule no. 9 付錢時應付微笑

我見過不少人付帳時 , 出現心如刀割的表情, 不用說, 他們容或小富人儉, 財運一定不會好, 原因是他們竹旳財富能量有入無出, 是一潭死水, 付帳時, 應面帶微笑, 如果克服不了心痛, 馬上在心中誦諗以下的确定語, "它(指付出的錢)將會千百偣回來, it will come back in a hundred golds !!!! 想到這裏, 你當如釋重負, 欣慰莫名.

rule no. 10 積極參與喜宴場合

喜宴場合, 可以解釋為幸運能量的結晶, 獲得邀請, 應該抱分享的精神, 踴躍參加. 只要你投入, 湧現與當事人一樣的喜悅, 你便可溝通channel對方的氣場, 換言之, 同樣擁有對方的好運.

大多數人參加喜宴, 抱 "貼錢買難受" 的心理, 這是非常不應該的態度.

RULE NO. 11 修茸祖先的墳墓

家運往往和陰宅風水息息相關, 財運也一樣. 如果你一直倒霉, 破財不已. 不妨慎重考慮, 整理祖先出墳.

整理山墳在雙重意義, 1) 將連繫自己的負性能量減少. 2) 表示一點感恩之情, 重新建立與宇宙本源(生命力) 的密切關係.

RULE NO. 最後一點 12  適當的吝嗇是致富良方

蓋茨身為世界首富, 坐飛機只挑經濟位, 李嘉誠身為香港首富, 手上一隻精工錶戴了超過二十年, 日本的超級巨富松下幸之助, 一直省下董事長專用的辦公室. 有錢人通常有一套花錢的標準, 普通人頗難理解. 但懂得吝嗇, 明顯是重視金錢的表現. 只有重視金錢, 金錢才會被吸引到你的身上.

適當的吝嗇相等花錢的原則, 你一定要學, 而且堅持.

睇完12秘訣, 希望各位可以早日上岸, 搵到人生既第一桶金, 再發掦光大.

happy easter.

一年一度既復活節又黎啦, 我今日突然想起細路仔時代養既2隻白兔 bebe & gigi. 佢地有一個另我一生難忘既故事.......記得係家姐亞哥買佢地番黎, 細個養乜都玩得一大餐. 有時同佢地沖涼, 有時執屎, 得閒抱下又餵佢地食野, 養到佢地肥肥白白.

殊不知, 一個月黑風高既深夜, 我聽到老豆大鬧, 跟住有淒厲既喊聲, 我見到家姐喊緊, 原來兔仔磨抓嘈到老豆訓覺, 老豆下令要即刻掉咗佢地. oh, no... 無拉拉要掉咗佢? 係極度唔願意既情形以下,  家姐阿哥一人抱住一隻白兔出咗門口. 我當時好驚, 因為老豆好惡, 我唔敢出聲,番左入房.

過咗無幾奈, 家姐阿哥終於可以返入屋, 但仍然不停咁喊, 佢地話將bebe & gigi 放落後樓梯個紙箱入面, 因為老豆唔比帶番入屋. 唔知點算好, 就係咁, 我地三個成晚都無乜點訓, 因為驚比垃圾婆掉咗, 又或者白兔自已跳走咗.

到到第二朝, 一朝早家姐倒屎咁早就出咗門口, 原來佢成晚就係諗點樣安置佢地, 佢飛的去咗阿爺屋企, 求收留. 眼見孫女從未試過咁早探佢, 又眼濕濕咁可憐, 老人家又點會 say no.

自始, bebe & gigi就過住快樂既生活, 阿爺買咗一個大鐵籠, 將佢地放係"大騎樓",  空氣好, 食好, 住好. 我地三個重經常去探白兔, 亦多咗好多同阿爺相處既快樂時光.

又過咗一排, 可能由於"騎樓"風水好既關係, 有一日阿爺打黎,  "喂, 隻兔生咗仔"  吓... 無拉拉生咗?? 又唔見大肚, 你話我知生咗咁奇?  趕到去, 見gigi 訓係個櫃入面, 隔離好多白色毛毛, 原來前一晚阿爺聽到gigi 叫, 嘩, 佢要so 啦. 阿爺幫佢接生,生咗5隻, gigi 生完之後會咬自已少少毛包住bb, 好有母愛, 但gigi 無餵奶, 過咗2日, bb 死哂啦, 又係阿爺埋尾, 今次做執屍.  

又過咗一排, gigi 又大肚啦, 我地好驚歷史重現,  今次我地已經諗定幫佢餵奶, 餵係細路都鍾意既維他奶, gigi順產, 又生5隻. 我地好小心咁一隻隻餵佢地飲維他奶, 隔日就去睇bb, 有一日去到阿爺又話 "死哂囉" 唉.... 我地都估到.

又過咗無幾奈, 有一日去探白兔, 點解gigi見到我地無乜反應? 真係好奇怪, 同平時好唔同. 係我地懷疑緊既時候, 亞爺話" 換咗囉, 補咗50蚊"  吓... 講乜呀.?? 阿爺再講 "呢隻係日本品種, 公黎架."       吓吓?? 原來阿爺怕佢再生,繼續落去唔係辦法,  倒不如, 換過一隻公番黎.

其實, 我地都無辦法知道究竟係gigi 死咗, 阿爺買一隻新番黎? 定一話真係換一隻補50蚊?  咁gigi去咗邊? 邊個買咗佢, 買佢重乜?煲黎食定養?  後來 bebe 成日同gigi 2號 happy together, 搞基阿陰公 !

過咗一段好長既時闁, bebe死咗啦, 得番gigi 2號一個, 可能真係日本種既關係, 佢變到猫咁大隻. 養咗幾年死埋. 我地就再無養啦.

講到呢度, 我都有d眼濕濕, 唔係因為兔仔既悲慘故事, 而係感謝阿爺對三個孫既個種保護同細心. 我諗, 其實係gigi 死咗. 因為個個年代一隻白兔, 點會咁貴要用一隻交換再補$50蚊呢. 亞爺避免我地傷心先講呢個 trade-in 方法.

講番老豆, 咪以為佢依家仲係咁惡喎. 因為人係會變架, 十幾年前佢已經收哂火, 變得好"霖" 重成日比我地蝦. 始終人老乜得睇化啦. 我地依家好好架, 有時會陪佢唱下k. 我發誓,第時佢變陌爺公我唔會夜麻麻趕佢出街, 不過, 家姐阿哥會唔會我唔敢保證.  哈哈. 

我充完電啦.

興幸同老公2月21-26日參加六天團郵輪假期, 兩個人加埋團費一萬六. 廿四小時任食, 任玩, 都可以算係抵玩.

呢隻超大郵輪有十一層咁多, 六天總算每一層角落都行過. 不過摩打聲同搖搖下令我暈船浪, 呆咗幾日. 雖然任飲任食但我無乜胃口, 但我老公就超開心, 佢已經步入亞伯年紀, 好嚮受呢種閒情日子, 佢話可以玩多四個月係郵輪就好啦.

簡單講下呢幾日做過乜比大家知.

第一日, 係海港船12點集口, 由領導指示排隊check-in做pass 程序, 已經發現好多外國人, 咩國藉都有. 到到2點可以登船. 上到船又要排隊過出境關, 再預早過台灣境. 3點鐘終於可以入房. 4點15分全船人救生演習, 番自已房著好救生衣再去5樓甲板列隊. 5點開船啦. 6點去4樓食正統西餐(ok啦). 夜晚周圍行下, 隻船開得唔係好快. 好穏定. 夜晚我重訓得幾好添.

第二日, 全日都要係船上渡過. 因為要航行去日本漫長的一天. 10點訓醒去咗9樓食自助餐.         飽飽之後周圍行囉. 船有圖書館, 露天泳池, 室內暖水池, 健身室, 百老匯表演聽, 購物商店, 攀岩牆, 主題酒吧, spa區, 賭場.行完都腳遠啦. 下午去咗玩 bingo, usd28/4x games, 鬼佬讀number, 圈得中第一舖有 usd50, 第二舖有usd60, 第三舖usd80, 第四舖usd160. 我地無中, 不過都消磨咗一段時間, 雖然有好多客人都話隻船唔靚. 但我已經好滿足. 第二晚訓唔到, 因為船開得好快. 訓係軟床但係成身摩打嘈, 震, 好難訓得好.

第三日, 12點到咗日本沖繩, 有得落船梗係開心啦. 我同老公即係跑去打的, 落outlet mall, 心目中有好多野想買. 但失望無我鐘意既burberry, 波鞋款又唔靚, 為咗爭取時間, 又即係打的落三越百貨. oh... 仲衰過永安. 不過沖繩始終係一個舊城市, 相比東京既繁榮梗係差天共地. 好多小商店賣沖繩特產, 日本野包裝真係好靚, 但價錢就一d都唔靚, 我好老套地買咗幾個香港有得賣既公仔鎖匙扣, 老公就買咗t-shirt. 行咗一陣又再搭的士去 Duty free. oh... 同香港個間一模一樣貴. 好彩老公好醒咁指咗我去一間商場. 買咗小小野咁囉. 6點趕番上船, 7點又開船去下一個站 - 基隆.

第4 day, 唉. 前一晚隻船拋到有離心力, 我好唔舒服,零晨5點先訓到, 魂不附體既我跟住老公12點落咗船, 上旅遊車去"頂"泰豐食小籠包, 跟住去101購物中心影相, 再轉車去九份買手信, 食我既致愛"酸菜臭豆腐", 記得03年12月同老公黎過九份, 不過當時我重係潘小姐, 今次黎係蔡太太啦. 拖住佢手我覺得好浪漫, 因為重遊舊地好有拍拖feel. 但我發現佢淨係諗緊買乜同食乜好. 望住佢覺得佢好可愛. 因為食得是福.  7點又趕番上船. 今晚去咗睇百老匯跳舞同拉老虎機0.25usd一舖, 竟然比我拉到 usd405. 超開心.

第5 day 一早10點到高雄(星雲大師)佛光山,       午餐去酒店食齋菜, 3點要番上船lu趕番去香港.

第6 day , 老公唔開心扁咀, 因為佢仲想繼續郵輪假期, 但我一早6點已經彈起身準備走佬, 因為訓得唔好, 我好掛住屋企張床, 今日係葵涌碼頭落船, 有旅遊巴去番海港城. 其實我都有少少唔捨得. 又唔知點解永安無影大合照.

細節不能盡錄, 記憶中每一個服務員都好親切帶以微笑. 大家係 lobby 跳舞. 船主晚宴. 老公帶我去全船最唔拋既10樓訓覺. 甲板同其它客人閒談, 係一種好舒服既感覺. 有機會的話, 大家都可以選擇郵輪假期.

1.             靜坐常思己過，閒談莫說人非
2.    應在有日思無日，莫在無時想有時
3.    天時不如地利，地利不如人和
4.    驕傲皆因經驗淺，謙虛只為琢磨多
5.    忍一時風平浪靜，退一步海闊天空
6.    心藥確能醫假病，美酒不會解真愁
7.    是非只為多開口，煩惱皆因強出頭
8.    逢人且說三分話，未可全拋一片心
9.    事能知足心常愜，人到無求品自高
10. 當家始知鹽米貴，養子方知父母恩
11. 修己以清心為要，涉世以慎言為先
12. 君子之交淡如水，小人之交甜如蜜
13. 酒中不語真君子，財上分明大丈夫
14. 積德雖無人見，存心自有天知
15. 平生不作皺眉事，世上應無切齒人
16. 饒人不是痴漢，痴漢不會饒人
17. 利刀割體痕易合，惡語傷人恨難消
18. 易漲易退山溪水，易反易覆小人心
19. 世事豈能盡如人意，但求無愧於心
20. 人情似紙張張薄，世事如棋局局新
21. 樹欲靜而風不息，子欲養而親不在
22. 本份成家眠也穩，虧心創業夢何安
23. 平生只會說人短，何不回頭把己量
24. 良藥苦口利於病，忠言逆耳利於行
25. 最愛聰明藏渾厚，每於退讓見英雄
26. 畫虎畫龍難畫骨，知人知面不知心
27. 渴時一滴如甘露，過後千杯不如無
28. 平生不作虧心事，夜半敲門也不驚
29. 無求到處人情好，不飲任他酒價高
30. 能受苦方為志士，肯吃虧不是癡人
31. 浮生若夢誰非寄，到處能安即是家
32. 黃河尚有澄清日，豈會人無得運時
33. 龍游淺水遭蝦戲，虎落平陽被犬欺
34. 勿因善小而不為，勿因惡小而為之
35. 為人何必爭高下，一旦沒命萬事休
36. 將相頭頂堪走馬，公侯肚內可撐船
37. 一寸光陰一寸金，寸金難買寸光陰
38. 用心計較千般錯，退步思量萬事寬
39. 知足者雖貧亦樂，不知足者富亦憂
40. 萬事勸人休瞞昧，舉頭三尺有神明
41. 車到山前必有路，船到橋頭自然直
42. 應放手時須放手，得饒人處且饒人
43. 書到用時方恨少，事非經過不知難
44. 強中自有強中手，一山還有一山高
45. 馬行無力皆因瘦，人不風流只為貧
46. 害人之心不可有，防人之心不可無
47. 入山不怕傷人虎，只怕人情兩面刀
48. 積錢積穀不如積德，買田買地不如買書
49. 智者努力充實自己，愚者常存較量之心
50. 對失意人莫談得意事，處得意地莫忘失意時
51. 養心莫如寡欲，溫故乃可知新
52. 作事留有餘地，責人切勿盡言
53. 寧可正而不足，不可邪而有餘
54. 勿貪意外之財，勿飲過量之酒
55. 凡人不可貌相，海水不可斗量
56. 遠水難救近火，遠親不如近鄰人
57. 責人之心責己，恕己之心恕人
58. 口說不如身逢，耳聞不如目見
59. 水太清則無魚，人太察則無謀
60. 成功者找方法，失敗者找藉口
61. 莫信直中直，須防仁不仁，山中有直樹，世上無直人
62. 是非終日有，不聽自然無，來說是非者，便是是非人
63. 學如逆水行舟，不進則退，心似平原走馬，易放難收
64. 莫怨自己窮，窮要窮得乾淨，莫羨他人富，富要富得清高
65. 近朱者赤，近墨者黑，物以類聚，人以群分
66. 家勤則興，人勤則健，能勤能健，永不貧賤
67. 緣由心生，隨遇而安，身無掛礙，一切隨緣
68. 富足之時，當知惜福，貧困之時，當知自勵
69. 知人者智，自知者明，勝人者有力，自勝者則強
70. 以德服人，心服口服，以力假仁，口服心不服
71. 孝順還生孝順子，忤逆還生忤逆兒，不信但看檐前水，點點滴在舊窩池
72. 求人須求大丈夫，濟人須濟急時無，路逢險處須迴避，事到頭來不自由
73. 一年之計在於春，一日之計在於晨，一家之計在於和，一生之計在於勤
74. 人惡人怕天不怕，人善人欺天不欺，善惡到頭終有報，只爭來早與來遲
75. 記得當初我養兒，我兒今又養孫兒，我兒餓我由他餓，莫教孫兒餓我兒
76.  父子親而家不退，兄弟和而家不分，家中不和鄰里欺，鄰里不和說是非
77. 貧居鬧市無人問，富在深山有遠親，有酒有肉多兄弟，急難何曾見一人
78. 人生不必苦貪財，貪得財來天降災，若然財來人不在，不如人在莫貪財
79.受恩深處宜先退，得意濃時便可休， 莫待是非來入耳，從前恩愛反成仇
80. 要無煩惱要無愁，本分隨緣莫強求，無益語言休開口，不關己事少出頭

好奈無寫blog, 今日心血來潮, 有野想同大家分享一下

11月24, 25日同媽, 姨, 老公去左番禺長隆兩天, 主要原因係好奈無同媽咪去過旅行, 對上個次係香港環島遊.

雖然嫁左, 但我從來都唔會忽視同屋企人相處既時間, 尤其父母開始年老, 反而要特別留意佢地既身體狀況. 我成日都話行得走得就要週圍去下. 老左氣力一定爭d. 所以我深信老人家多走動係百利而無害.

動物園可能係小朋友夢想既樂園, 係我心目中只係一個虐待動物既地方. 但我好予盾. 因為正反兩面睇, 我唔識得分別是禍是福

禍: 與大自然分開, 從此被困, 四腳動物被迫兩腳跑做出危險動作如跳火圈,跳高台,  台上三分鐘台下十年功. 演出背後必有虐待, 打, 斷水, 斷糧. 慘不忍睹.

福: 總算有得食. 有人幫我沖下涼, 黑熊如果係農村遇到壞人, 就一定係攞膽汁. 切熊掌. 唉......

從窮人角度, 連食都無得食殺動物只係一種求生方法, 但求溫飽.

從班主角度, 一個馬戲團必須有動物參與. 否則吸引唔到觀眾.中國人唔鐘意睇番中國人表演, 一定要睇鬼妹鬼佬表演.

從空中飛人角度, 我苦練咁奈, 演出又危險, 但都比唔上小丑派毛公仔時, 觀眾既喝采聲同支持.

從獅子角度, 點解我會黎咗呢度, 點解馴獸師日日都打我, 點解每逢我同隔離隻獅子玩打架. 觀眾一定會歡呼大叫, 好, 打, 咬佢. 點解人類咁興奮?

我結左婚差唔多兩年啦, 正正式式同老公有小家庭係由今年5月開始, 我地租左一間603呎既屋, 兩個人既生活原來好得意, 打掃, 洗衫, 煮飯, 洗廁所都要好好分工合作, 無論邊一個時段都係食, 食, 食,   鍾意幾點訓幾點起身都無人理. 的確好自由!!

年紀唔輕啦要開始計劃做人, 無避孕的日子差唔多年半, 終於識得驚啦, 因為從家計會既網頁得知, over 1 年無懷孕已經係不育, 全球每6對夫婦, 有1對係不育. 雖然醫學昌明, 但不明的原因眾多.

緊張既我周圍同人傾談呢個問題, 好多都建議我去婦科檢查, 家計會排期. check 體溫等等...... 但最驚人既發現, 一次偶然既機會下我感冒睇門診. 我問醫生我預備要bb, d藥會唔會有影響孕婦? 再傾下傾下不育問題, 醫生建議去買排卵棒  ????? 驗孕棒我就聽得多, 從來無聽過呢一樣野. 我去咗"屈銀紙"買,200幾蚊有5枝棒. 有隻牌子係"萬秀倫敦"

白痴既我, 終於明白....

唔係一個月內密d"行房" 就會有bb, 係要排卵期既前2日同後2日行房先容易有bb. 我一向以為每個月就黎 M 既前幾日密D就會有, 真係大錯特錯.

舉個例: M 黎係8月26日, 我通常30日一個週期, 咁9月11日就係排卵期(即係體溫熱個日) , 要係9月8, 9, 10, 12, 13 行房先會容易有BB.唉..... 點解我唔知既呢..再唔明的話, 試試呢個表 (參考用) http://www.ivfresource.com/ovulation-calculator.php

其實一對夫妻如果想要BB, 不育係一件好痛苦, 無奈既事, 尤其身邊老一輩既不斷催妳,  通常會問個女, "點呀, 快D生啦, 出年好生啦"   我會覺得好反感, 第一) 咁大個人自己有計劃, 生完要養架   第二) 生育係兩個人既事, 唔好再認為係個女既問題, 同我講都無用, 生唔到就生唔到, 我都已經好煩惱    第三)  幾時生, 我都想知, 唔係三姑六婆講一句就既刻有架.  我曾經聽過, 一個生咗BB既朋友, 去話一對結咗婚六年既朋友, "我都唔明你地點解生黎生去都生唔到, 生仔好易啫"  崩口人忌崩口碗, 講呢句中哂啦 

近日收到求救訊號, 因為對方要面臨一個大挑戰, 呢一個問題一直都存在, 只係事隔年半積存問題越黎越大, 係時候要劃上句號.

人生總會有起跌, 我深信無一個人一生順風順水. 呢一刻既你可能會覺得無彎轉, 面子問題令你唔識點去處理. 但我想講無彎轉只係你諗緊牛角尖, 面子問題係你以為要向其它人交待, 其實身邊既人唔重要, 只要交待比自己.

滾水碌手, 本能反應係會縮手, 當日你無縮手, 希望熱水變凍,  但年半後滾水令手變得又紅又腫, 身體已經無力支撐, 係時候縮手啦, 免強落去又如何?

大聲講比自已聽想點樣去做, 下一步應該係點, 決定咗就唔好後悔, 一條直路繼續行, 你一諗番轉頭又會失去自信心, 無需多欵要心信自己, 呢一刻三個人一齊好好解決呢個問題. 彼此要保持溝通, 唔好再推卸責任, 因為怪責只會加添對方既憂愁, 亦唔會對呢件事有任何幫助.

人未去到死亡, 即表示你既人生仍要繼續. 一條路可以有好多方向行, 呢個方向唔得, 咪行另一個方向囉, 東南西北, 一個圈有360度, 有手有腳仲後生, 肯去做就一定會找到目標.

唔好放棄, 多d搵人傾訴, 計劃步驟, 要光榮引退. 世界上色彩繽紛, 要慘過你既人大有人在, 只係你將呢個事睇得極度嚴重, 嘗試吸一大啖氣, 你不斷諗不斷諗, 其實唔會諗到野, 建議你每日限一段時間比自已諗呢件事, 餘下時間就唔該做番你日常要做既事. 咁樣反而會諗到新構思, 因為退一步真係會海闊天空.  

呢個blog 係我其中之一個抒發情感既地方, 可以話係我既記事薄, 由細到大我都會寫底重要事, 不論心情有喜落都會隨意寫底, 但係我絶對唔會攞番出黎睇, 因為除咗覺得自己寫埋d野超低能之外, 另外係唔想諗番起.

我身邊所有既人都知道我有選擇性失憶, 有d過往既經歷, 我係要透過朋友或者屋企人講番比我知. 我唔認為係病態, 其實係上天賜比我既禮物.

開心既經歷, 唔應該成日沈瀝回味, 應該尋找新歡樂. 悲傷, 唔駛問, 忘記佢啦, 記黎重乜野??

踏入2007之後, 我既人生有新的一頁, 就好似揭咗一本新買既故事書番黎, 發展奈人尋味, 呢一刻既我有改變故事發展既能力. 人生總要睇幾方面, 事業, 家庭, 愛情, 健康. 要全部兼固, 确實係高難度. 今年係變動一年, 今個月就年過30, 人生行咗就黎一半. 要定下目標, 之後要行既路不論上山下海, 都要行得好好睇睇. 咪跛下跛下衰衰咁. 要挺起胸膛大步步走. 我的願望如下:-

生一個小朋友, 事業發展順利, 身邊所有人(包括自己)身體健康, 笑口常開, 咁就足夠啦